أيا عاد تي شنوا توا !!!! مازلتو مقيدتوش ؟؟؟ حسبي الله ونعم الوكيل !! يا خويا مبخلكم ... ! مبخلك !! إي إنت إلي مقيدتش لتوا !!
بربي قلي فاش مازلت تستنى ؟؟؟ تي حتى لكرة إلي كانت عذر بش تقعد في لدار في جرتها معادش فيها حاجة مهمة ! الكوب والشمبيونا تهزوا والحمد لله !
أيا يعيش خويا راهي حكاية دقيقتين لا أكثر لا أقل ! وزيد على هذا كلو راهي ماشية للتاريخ ! افهموا ! راهو حقكم قبل كل شيء ، ووسيلة بش تستغلوا كلمة "ديقاج" بطريقة يسمعوها لعباد الكل !
واللهي صحة عليكم ، عندكم الشروط الكل إلي تأهلكم بش تقيدو وتتنتخبو ... انا ماعملتش لتوى ا'18 سنه ومتنجموش تتصوروا الحسرة إلي نحس فيها ، بالطبيعة موش لدرجت نتمنى إلي الثورة توخر بعامين حتى لين نعمل ال-18 سنه على خاطر هذي حكاية مكتوبة ولازم وقوعها في أسرع وقت ، عباد معادش خالطة !
بربي حسو بالمسؤولية إلي عطاوهالكم أول مرة و سيبو صالح وتحركوا قيدو مازلو 3 أيام بركة ... ! هاني نعس عليكم من بعيد ....
تحركتشي توا ؟؟!! أيا امشي قدامي مبلدك ومأركك !!
Aucun commentaire:
Enregistrer un commentaire