ساعة أنا لاحظت إلي السبسي عمرو ماكان ممهمش لهل درجة حتى انو قال "يا قاتل الموت وين تروح" ... أما موش هذا المهم توا
انا نحب نفهم شنية حكاية الأمن إلي جبتها من الحيط هاذي ؟ راهو كان فما حاجة ردت العباد هايجة هي هجوم رجال الأمن ( إلي رجعوا يخوفوانا بالمناسبة ) على المعتصمين بالقصبة وتعديهم على حقوق الناس لان مطالب الشعب مطالب مدعومة مل أغلبية وتنجم تسأل إلي تحب يا سي السبسي راهي المظاهرة كانت سلمية وحتى حد مجاب معاه سلاح ..، كما ان الأمن تعدا الخط لحمر إلي معندوش الحق بش يقربلو واستعمل القنابل الغازية في الجامع ! وزيد على هذا كلو ، السبسي قاللنا إلي منظم الاعتصام هذا يحب ينشر الفتنة ويأجل الإنتخابات ! معناها يقصد في حزب المؤتمر وحزب النهضة،ورغم اني منيش مع النهضة ،نتفكر إلي هلحزبين هاذم الزوز رفضوا رفض تام تأجيل الإنتخابات ... شنوا تقصد مالا ؟ تهديدات والعاب .. سي حمة الهمامي مازال كيف تكلم على موزايك فم وقال إلي : "السبسي فكرني في خطاب بن علي : تهديد وعيد وإتهامات لاشباح" ...
في العالم صار أكثر من 80 ثورة ومانجحو منهم كان 20 .. سبب فشلهم هو إلي صاير توا في تونس :
عباد أقنعو الشعب إلي حل انجاح الثورة هو العنف موش الوفاق الوطني وموش الإنتخابات .
Aucun commentaire:
Enregistrer un commentaire